სერვის ექსპერტი - ციფრული ზრდის გუნდი

ბიზნეს სეგმენტების მართვის ლიგა

ბიზნეს სეგმენტების მართვის ლიგაში, კერძოდ ციფრული ზრდის გუნდში ვეძებთ სერვის ექსპერტს.

თიბისი ციფრული ტრანსფორმაციის გზაზეა, რაც როგორც არსებული პროდუქტების და სერვისების გაციფრულებას გულისხმობს, ასევე მომხმარებლებისთვის ახალი შესაძლებლობების შექმნას სხვადასხვა ციფრული არხების საშუალებით. ციფრული ზრდის გუნდი მუდამ ამ შესაძლებლობების ძიებაშია. შესაძლებლობების, რომლებიც ერთი მხრივ, საინტერესო და ინოვაციური იქნება, მეორე მხრივ კი გადაუწყვეტს მომხმარებელს კონკრეტულ პრობლემას და მის ურთიერთობას ბანკთან უფრო სასიამოვნოს გახდის.

შენ იქნები სწორედ ამ გუნდის წევრი, იქნები პასუხისმგებელი სხვადასხვა ახალი პროექტების განხორციელებაზე, იმუშავებ ეჯაილ მიდგომებით (Scrum, Kanban) და შეიტან წვლილს ბიზნეს მომხმარებლების ცხოვრების გამარტივებაში.

ვის ვეძებთ:


  • თუ ხარ ენერგიული, მოტივირებული და კრეატიული;

  • თუ გქონია გამოცდილება მომხმარებელზე ორიენტირებული გადაწყვეტების შექმნაში.

  • თუ  გქონია გამოცდილება / მონაწილეობა მიღებული UX კვლევაში.

  • თუ გაქვს კონცეპტუალური ხედვა,  ვიზუალური კომუნიკაციის უნარი.

  • გაქვს კარგი ანალიტიკური და პრობლემების გადაჭრის უნარი;

  • არ გეშინია გამოწვევების და სიახლეების;

  • შეძლებ იმუშაო თვითორგანიზებულ გუნდებთან ერთად;

  • ხარ მომხმარებელზე და მისი პრობლემების მოგვარებაზე ორიენტირებული ადამიანი;

  • ხარ დაბალანსებული უნარებით ბიზნესში და აი-ტი-ში;

  • ფლობ კარგ ვერბალურ და წერით კომუნიკაციის უნარებს ქართულად და ინგლისურად;


რას გააკეთებ?


  • შეისწავლი ბიზნეს მომხმარებლების ყოველდღიურობას, მათ საჭიროებებს განვითარების სხვადასხვა ეტაპზე და დააიდენტიფიცირებ ზრდის შესაძლებლობებს

  • მიიღებ მონაწილეობას მარკეტინგული კამპანიებისა და გაყიდვების ზრდაზე ორიენტირებული ექსპერიმენტების (Growth Experiments) დაგეგმვასა და განხორციელებაში

  • მოიძიებ და გამოცდი ახალ არხებს არსებულ მომხმარებლებთან საკომუნიკაციოდ

  • გაზომავ და გააანალიზებ კამპანიების შედეგებს და შეიმუშავებ მასშტაბირების გზებს

  • იმუშავებ არსებული ციფრული არხების დახვეწასა და მომხმარებლის გამოცდილების გაუმჯობესებაზე


კარგი იქნება რომ გქონდეს:


  • Agile (Kanban) გუნდში მუშაობის გამოცდილება;

  • Design Sprint, Design Thinking მეთოდოლოგიებით მუშაობის გამოცდილება

  • საბანკო, ციფრული არხების მიმართულებით მუშაობის გამოცდილება;

  • UX/UI და დეველოპმენტ გუნდებთან კოლაბორაციის გამოცდილება;



გაცნობებთ, რომ სს „თიბისი ბანკი“ ახორციელებს კანდიდატის პერსონალური მონაცემების დამუშავებას, ვაკანსიაზე კანდიდატის შესაბამისობის დადგენის მიზნით, „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად. ინფორმაცია კანდიდატის შესახებ ასევე შესაძლოა დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 10 წლის ვადით. იმ შემთხვევაში თუ არ გსურთ მონაცემთა შემდგომი დამუშავება, გსურთ მონაცემთა ცვლილება ან წაშლა, გთხოვთ მოგვმართეთ.

სს „თიბისი ბანკი“ კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.

თქვენ მიმართ დისკრიმინაციული მოპყრობის ვარაუდის შემთხვევაში, შეგიძლიათ მოგვმართოთ:

ცხელი ხაზი  032 2 27 27 27 *1998;ელ ფოსტა: Incident_Compliance@tbcbank.com.ge;

დაკავშირება მოხდება მხოლოდ იმ პირებთან, ვინც გაივლის შერჩევის პირველ ეტაპს და მიენიჭება კანდიდატის სტატუსი

© 2020 TBC Bank